Tetova bëhet me “Aeroport” thotë Bilall Kasami (FOTO)

Kryetari i Tetovës, Bilall Kasami sonte ka publikuar një rrugë të ndërtuar duke thënë se po bëhet “Aeroport”. AI këtë e ka thënë në formë për të treguar se Tetova po ndërtohet dhe rruga që shihet duket sikur është pistë avionësh.

“Tetova me Aeroport” ka shkruar shkurt Kasami.

Pas këtij postimi, qytetarët nga Tetova kanë nisur edhe talljet me kreun e Komunës duke ia rikujtuar edhe shitjen e Monopollit dhe disa shitje tjera që i ka bërë.

“A do të blesh avinonin me paratë e Monopollit” thotë në një koment një tetovar, tjetri thotë “kush është Piloti, Adnan Azizi apo Afrim Gashi?” duke komentuar me humor në lidhje me postimin e Kasamit.

Por nga ana tjetër, kjo rrugë nuk përfundon askund, dhe nuk do të jetë e kalueshme pasi është rrugë deri në mes të fushave.