Tronditet Kërçova/ 72 vjeçari ka përdhunuar mbi 6 muaj një vajzë të mitur

Në paraburgim është A.A. (72) nga Kërçova për shkak të dyshimeve për kryerjen e veprës penale “përdhunimi i një fëmije që nuk ka mbushur 15 vjeç”. Policia e Kërçovës ka dorëzuar një kallëzim penal kundër tij dhe i është caktuar masa e paraburgimit për 30 ditë.

I pandehuri, gjatë periudhës nga nëntori i vitit 2024 deri në prill të vitit 2025, në banesën e tij në Kërçovë dhe në vende të tjera, ka kryer veprime të tjera seksuale ndaj një të mitur nga Kërçova. Sipas udhëzimeve të prokurorit publik, A.A. është privuar nga liria, dhe pas një ekzaminimi mjekësor të kryer mbi të miturën, është mbajtur një bisedë në praninë e një anëtari të familjes së saj, përfaqësuesit të Qendrës për Punë Sociale dhe avokatit të të miturve, njoftoi Drejtoria e Policisë së Ohrit.