“U dëgjuan tri krisma të armës”, detaje të reja nga vrasja e zyrtarit policor në Kaçanik (VIDEO)

Mbrëmjen e 1 prillit, në hyrje të banesës së tij në komunën e Kaçanikut, gjeti vdekjen rreshteri Muhamed Lika.

Sipas kryeprokurorit të Ferizajt, Burim Çerkini, të dyshuar për vrasjen e zyrtarit policor janë dy persona, transmeton Klankosova.tv.

Gazetarja e “Kosova Today”, Alberta Gjini, thotë se sot ka mësuar një detaj të ri rreth rastit në fjalë.

“Një grua që jeton në ndërtesën ku u vra Muhamed Lika, tha se ka dëgjuar tri krisma të armës, dhe ka dëgjuar të ndjerin duke bërtitur ‘oh’”, tha Gjini.

Derisa eksperti i sigurisë, Bedri Elezi, shok i të ndjerit, thotë se qytetarët e objektit ku ndodhi vrasja janë shumë të frikësuar.

“Ata po kanë frikë edhe të dalin jashtë”, tha tutje ai.