13 vjeçari humbi jetën pas përplasjes me një motor tjetër të drejtuar nga një 14 vjeçar

Një djalë trembëdhjetë vjeçar humbi jetën në një aksident trafiku midis dy mopedëve në fshatin Llazhan të Prilepit. Ministria e Punëve të Brendshme informoi se dy mopedët ishin pa targa, dhe drejtoheshin nga djali 13-vjeçar që ndërroi jetë dhe një i mitur 14-vjeçar, të dy banorë të fshatit, transmeton Portalb.mk.

“I mituri 13-vjeçar vdiq nga plagët e marra në aksident, dhe vdekja e tij u konfirmua nga mjeku në Spitalin e Qytetit të Prilepit, ndërsa i mituri tjetër pësoi lëndime të rënda dhe nuk është në gjendje të rrezikshme për jetën”, njoftuan nga MPB.

Një inspektim u krye nga prokurori publik kompetent dhe një ekip inspektimi nga Departamenti i Punëve të Brendshme i Prilepit, ndërsa trupi i të miturit të ndjerë u dorëzua për autopsi.

Aksidentet ku të miturit janë viktima janë bërë të shpeshta në RMV, kujtojmë se javë më parë, në Çair të Shkupit në rrugën “Cvetan Dimov”, jetën e humbi një 16-vjeçar nga Shkupi që po drejtonte një motoçikletë “Piaxho Beverli”, ndërsa një 14-vjeçar nga Shkupi që po drejtonte një skuter elektrik u lëndua në aksident.