A jeni të përgatitur? Maqedonia do të goditet nga vala e parë e të nxehtit Afrikan!

Territori i Republikës së Maqedonisë së Veriut, gjatë periudhës nga 2 qershori (e hënë) deri më 8 qershor (e diel), do të përfshihet nga vala e parë më e madhe e të nxehtit nga Afrika për këtë sezon. Në këto kushte, temperaturat e ajrit do të shënojnë rritje të ndjeshme, ndërsa moti do të jetë shumë më stabil dhe relativisht i thatë. Megjithatë, janë të mundshme përjashtime të vogla, pra do të ketë kushte për destabilizim shumë të lehtë dhe afatshkurtër të atmosferës, që mund të sjellë reshje të shkurtra dhe lokale.

Edhe në Shkup dhe rrethinë, gjatë kësaj periudhe të përmendur më lart, temperaturat do të shënojnë rritje të ndjeshme dhe moti do të jetë kryesisht stabil, i thatë dhe me shumë më tepër periudha me diell.

Temperaturat e ajrit gjatë javës së ardhshme do të jenë tipike për verë, duke u lëvizur në intervalin nga 26 deri në 33 gradë Celsius, ndërsa nga mesi i javës së ardhshme, në rajonin e Vardarit, temperaturat do të tejkalojnë 35 gradë. Edhe në Shkup dhe rrethinë, gjatë javës së ardhshme, temperaturat do të kalojnë 30 gradë, ndërsa nga mesi i javës do të ngjiten deri rreth, apo edhe mbi 35 gradë Celsius.