Aksident ajror në Gjermani, dy të vdekur pas përplasjes së një aeroplani të vogël në një ndërtesë banimi

Një aeroplan i vogël pasagjerësh u rrëzua në një ndërtesë banimi në Korschenbroich të Gjermanisë, duke vrarë dy persona.

Këtë e ka bërë të ditur edhe policia gjermane.

Qyteti ndodhet afër Monchengladbach dhe nuk është shumë larg kufirit holandez, shkruan DW.

Sipas policisë, aeroplani ka goditur tarracën e një ndërtese dhe më pas ka rënë zjarr.

Raportohet se një nga dy personat e vrarë ka të ngjarë të ketë qenë piloti.

Nuk ishte menjëherë e qartë nëse personi tjetër kishte qenë pasagjer në aeroplan apo kishte qenë në tokë.

Gjithashtu, shkaku i rrëzimit ende nuk është përcaktuar.