Ana Ivanoviç e Bastian Schweinsteiger ndahen pas 9 vitesh martese, ja ç’parashikonte kontrata
Pas nëntë vitesh bashkëjetesë, tenistja e njohur serbe, Ana Ivanoviç, dhe ish-mesfushori gjerman, Bastian Schweinsteiger, po përballen me një divorc të qetë, falë një marrëveshjeje paramartesore që rregullonte nga fillimi ndarjen e pasurive. Sipas dokumenteve të zbuluara së fundmi, kontrata përbëhet nga 64 faqe dhe u hartua nga avokatët e Schweinsteiner-it në Mynih, më pas e verifikuar nga stafi ligjor i Ivanoviç-it në Beograd.
Llogari të ndara, pasuri të ndara
Gjatë martesës, çifti ruajti plotësisht pavarësinë financiare: secili ka pasur llogarinë e tij bankare, ndërsa të ardhurat e përbashkëta nuk u bashkuan kurrë në një llogari të vetme. Ana ka fituar mbi 15 milionë dollarë vetëm nga turnetë e tenisit, plus miliona të tjera nga kontratat e sponsorëve, kryesisht Adidas. Bastian, nga ana, tjetër arkëtoi më shumë se 50 milionë euro vetëm nga transferimi te Manchester United, për tre sezone, dhe zotëron prona luksoze në Mynih, Austri dhe Mallorca.
Një klauzolë e veçantë për dhuratat
Pika e vetme që kontrata paramartesore nuk prek është ajo e dhuratave: çdo gjë që u është ofruar njërës palë gjatë martesës – qoftë bizhuteri, veshje apo prona – mbetet pronë e përhershme e atij që e ka marrë, pavarësisht përfundimit të lidhjes.
Fleksibilitet për fëmijët
Me tre fëmijë në mes, marrëveshja ka parashikuar edhe klauzola të veçanta financiare që aktivizohen në rast ndryshimi statusi familjar. Nëpërmjet shtojcave të kontratës, janë përcaktuar mënyrat e mbështetjes ekonomike për secilin prej tyre, duke garantuar stabilitetin e vazhdueshëm, pavarësisht shtegtimit të prindërve.
Një ndarje “miqësore”
Burimet pranë çiftit nënvizojnë se, falë përgatitjes së detajuar të kontratës paramartesore, procedura e divorcit po ecën pa tensione të mëdha ligjore e emocionale. Qetësia dhe respekti reciprok duket se janë udhërrëfyes për Ivanoviç-in e Schweinsteiger-in, të cilët sot ndajnë përgjegjësitë prindërore, pa sfida të mëdha financiare mes tyre.