Grupi i bashkëpunimit me deputetë nga parti të ndryshme, por me të njëjtin qëndrim për forcimin e miqësisë me Kinën

Grupi Parlamentar i Kuvendit të Republikës së Maqedonisë së Veriut për Bashkëpunim me
Parlamentin e Republikës Popullore të Kinës u takua me Çen Xhou, zëvendësministër i
Departamentit Ndërkombëtar të Komitetit Qendror të Partisë Komuniste të Kinës.
Kryetarja e Grupit, Ollga Llozanovska, në fjalën e saj të hapjes theksoi se megjithëse jemi
gjeografikisht të largët, marrëdhëniet midis dy vendeve janë miqësore dhe zhvillohen në frymën e
mirëkuptimit dhe respektit të ndërsjellë. Vendi ynë e afirmon qëndrimin për ekzistencën e "Një
Kine", Qeveria e Republikës Popullore të Kinës është qeveria e vetme legjitime e popullit kinez,
ndërsa Tajvani është pjesë e pandashme e territorit kinez – tha Llozanovska.

Themelimi tradicional i këtij Grupi të Bashkëpunimit është vetëm një tregues i interesit për të
vendosur, kultivuar dhe thelluar lidhje më të ngushta ndërparlamentare, të cilat do të ndikojnë në
avancimin e marrëdhënieve të përgjithshme politike, ekonomike dhe kulturore midis dy vendeve.
Nga ana e tij, Çen Xhou ndau përshtypjet e tij nga vizita e tij e parë në vend. Kina respekton rrugën
e zhvillimit të vendit tonë dhe i kupton e mbështet përpjekjet tona për t'u integruar në BE. Xhou
theksoi se angazhimet e vendeve ndaj "Një Kine" janë thelbësore në ndërtimin e të gjitha
marrëdhënieve me Kinën.
Bashkëpunimi me Dhomën Ligjvënëse dhe partitë luan rol të rëndësishëm në ndërtimin e
marrëdhënieve dypalëshe, dhe në këtë drejtim, gëzon fakti që Grupi i Bashkëpunimit përfshin
deputetë nga parti të ndryshme, por me të njëjtin qëndrim për forcimin e miqësisë me Kinën. Në
këtë kontekst, po bëhen përpjekje për të zgjeruar më tej shkëmbimet miqësore të Partisë Komuniste
të Kinës me partitë politike në vend, duke respektuar dallimet reciproke. Përmes këtyre kanaleve
partiake dhe shkëmbimit të përvojave në të gjitha nivelet, kjo do të kontribuojë në forcimin e
marrëdhënieve dypalëshe në përgjithësi.
Anëtarët e Grupit Parlamentar, Sadik Sulejmani dhe Dimitar Apasiev, patën gjithashtu mundësinë të
shprehin vlerësimin e tyre për mbajtjen e takimit. Sulejmani theksoi marrëdhëniet e biznesit dhe
mundësinë e lehtësimit të tyre, ndërsa Apasiev pati fjalë lavdëruese për modelin e socializmit me
karakteristika kineze.

Të pranishmit ranë dakord të thellojnë bashkëpunimin e ndërsjellë në më shumë fusha, si
ekonomia, tregtia, energjetika, biznesi, infrastruktura…, por edhe të forcojnë marrëdhëniet në arsim,
shkëmbimin e të rinjve dhe turizmin. Të dy vendet tregojnë interes për kulturën, dhe kjo
demonstrohet përmes ekzistencës dhe popullaritetit të katedrave të gjuhës maqedonase në disa
universitete kineze.
Të dyja palët shprehën mirënjohje për Ambasadën e Kinës për përpjekjet e saj të vazhdueshme për
të avancuar marrëdhëniet midis dy vendeve dhe miqësinë tradicionale.