Jennifer Lopez zbulon se si iu tregoi fëmijëve për divorcin nga Ben Affleck: U premtova atyre diçka

Lajmi për divorcin e Jennifer Lopez dhe Ben Affleck u bë publik për herë të parë në gusht të vitit të kaluar, vetëm dy vjet pasi ata u martuan. Edhe pse divorci është gjithmonë sfidues emocionalisht, veçanërisht kur janë të përfshirë fëmijë, është e rëndësishme të komunikohet ky lloj lajmi me shumë kujdes dhe vëmendje.

Lopez e renditi 26 prillin 2024 si datën zyrtare të divorcit të tyre, dhe si ajo ashtu edhe Affleck e kanë mbajtur jetën e tyre private larg syrit të publikut në muajt e fundit. Jennifer paraqiti kërkesë për divorc në Gjykatën e Lartë të Qarkut të Los Angeles, duke përmendur “dallime të papajtueshme” mes çiftit si arsye të ndarjes.

Ndërkohë, të dy kanë folur publikisht në disa raste dhe divorci, siç pritej, ishte tema kryesore e deklaratave të tyre. Në një nga intervistat e fundit, Jennifer Lopez tregoi se si ua tregoi lajmin e divorcit fëmijëve të saj, binjakëve Emma dhe Max nga lidhja e saj e mëparshme me Marc Anthony.

Lopez i tha të përditshmes spanjolle El País: “Kam pasur një vit vërtet të vështirë. Ndodhën gjëra të papritura. Lexova shumë libra dhe punova shumë për të kuptuar veten. Meditova, u luta shumë. Doja të përmirësoja marrëdhënien time me Zotin dhe të lidhja fort njësinë familjare që përbëhet nga unë dhe fëmijët e mi, binjakët e mi”.

Ajo vazhdoi: “U thashë atyre, ‘Ju premtoj, kjo është një kohë e vështirë, por do ta shihni se kur të mbarojë, unë do të dal më e fortë dhe më e mirë’. Ua premtova këtë – dhe e mbajta. Tani edhe ata e ndiejnë këtë, dhe kjo më sjell paqe të pafundme”.

Foto: Jennifer Lopez/Instagram
Lopez theksoi se që nga divorci, ajo është përqendruar në mirëqenien e saj dhe të familjes së saj.

“Kam lexuar shumë libra rreth fëmijërisë, martesës, marrëdhënieve, stileve të ndryshme të dashurisë, trurit, shkencës. Gjatë viteve kam kaluar nëpër terapi individuale, terapi martesore, terapi familjare. Kam provuar gjithçka, gjithmonë kërkoj diçka. Mendoj se çelësi është të njohësh veten. Duhet të jesh i gatshëm dhe të dëshirosh vërtet diçka – dhe edhe kur e dëshiron, është e vështirë të ndryshosh disa gjëra. Por mund të bëhet”.

Foto: Jennifer Lopez/Instagram
Ndërkohë që shumë njerëz kalojnë kohë të vështira gjatë divorcit, Jennifer përpiqet të mbajë një qëndrim pozitiv.

“Të gjithë kalojnë nëpër periudha të vështira në jetë. Ajo që bën diferencën është mënyra se si i përballon ato kohë. Jo marrëdhënia, jo burri: ajo që të përcakton është ajo që bën me përvojat që të vijnë. Unë i marr ato përvoja, të mira apo të këqija, dhe i thur me veten time”.

Megjithatë, Ben Affleck pranoi se e kishte të vështirë të fliste publikisht për sfidat që kishin në marrëdhënien e tyre. Ai tha hapur se kjo e bënte të ndihej i cenueshëm dhe se turpërohej pak të fliste për këto tema.