LSDM: Maksim Dimitrievski ka përfituar një banesë prej 97 metra katrorë për vetëm 2.500 euro

Në vitin 2010, Maksim Dimitrievski blen 10.000 m² tokë për 10.000 euro – domethënë një euro për metër katror. Në atë kohë, ai nuk është kryetar komune, por pikërisht kjo tokë më vonë, kur ai bëhet kryetar i komunës, bëhet një vegël kyçe për një skemë të dyshimtë, thotë Atina Murgashanska, këshilltare në Këshillin e Komunës së Kumanovës.

– Ndërkohë, kompania “Evgenija Plan DOO import-eksport Kumanovë” merr leje ndërtimi dhe ndërton një ndërtesë. Por për një kohë të gjatë, për arsye të panjohura, kjo kompani nuk ka mundur të marrë pranim teknik. Dimitrievski bëhet kryetar komune, dhe kompania nuk merr leje për pranim teknik deri në momentin kur kumbari i Dimitrievskit blen dy banesa në ndërtesë, secila nga 97 metra katrorë. Më pas, pranim teknik aprovohet.

Vetëm disa muaj më pas, po në vitin 2022, njëra nga ato banesa i kalon në pronësi Dimitrievskit me shkëmbim të pasurisë së paluajtshme. Por jo për çmimin real prej rreth 70.000 euro, por për vetëm 2.500 euro. Si është e mundur që një banesë prej 97 metrash katrorë në Kumanovë të përfundojë te Dimitrievski për vetëm 2.500 euro? Përmes shkëmbimit me një të katërtën e livadhit të blerë në vitin 2010, me një euro për metër katror. Kjo do të thotë se Dimitrievski ka përfituar një banesë në Kumanovë me vlerë 70.000 euro për vetëm 2.500 euro.

LSDM kërkon hetim urgjent nga institucionet kompetente. Kumanova meriton një udhëheqje të ndershme, e jo afera banesash dhe keqpërdorime, tha Murgashanska.