Ministri Besar Durmishi në Sarajevo Business Forum 2025: Rajoni ka nevojë për ekonomi të ndërlidhur dhe politika të parashikueshme

Ministri i Ekonomisë dhe Punës, Besar Durmishi, mori pjesë në panelin qendror të
Sarajevo Business Forum 2025, ku ndau vizionin e tij për një zhvillim të qëndrueshëm
ekonomik përmes reformave, bashkëpunimit rajonal dhe ndërlidhjes infrastrukturore.
Në këtë forum ndërkombëtar të nivelit të lartë, ministri Durmishi prezantoi prioritetet e
Qeverisë së Maqedonisë së Veriut për tërheqjen e investimeve dhe ndërtimin e një
klime të besueshme për bizneset vendore dhe të huaja. Ai theksoi rëndësinë e
bashkëpunimit në sektorët strategjikë si digjitalizimi, energjia dhe fuqia punëtore, si dhe
angazhimin për të ndërtuar politika të qëndrueshme që japin rezultate.
"Zhvillimi ekonomik, krijimi i vendeve të punës dhe rritja e besimit të investitorëve janë
prioritete që kërkojnë përkushtim, stabilitet dhe veprim konkret. Këtë po e ndërtojmë çdo
ditë përmes politikave të qëndrueshme dhe bashkëpunimit rajonal”, tha ministri.
Forumi ishte një mundësi e shkëlqyer për të ndarë përvojat dhe për të hapur rrugë të
reja bashkëpunimi ekonomik me rajonin dhe më gjerë.