Minovski: Vende të reja pune, rritje të investimeve dhe përfitim ekonomik afatgjatë me Marrëveshjen e Partneritetit Strategjik me Mbretërinë e Bashkuar

Paralajmërimi i partneritetit strategjik me Mbretërinë e Bashkuar, veçanërisht nëse konfirmohet paketa e paralajmëruar investuese prej 5 miliardë paund, si dhe bashkëpunimi në tregti, infrastrukturë, energjetikë, qeverisje të mirë dhe luftën kundër krimit të organizuar, do të jetë impuls serioze për ekonominë maqedonase, me qasje në tregje më të mëdha, duke nxitur eksportin dhe duke tërhequr investime të huaja, vende të reja pune”, vlerëson ish-ministri i Financave Kiril Minovski në deklaratë për MIA-n.

Sipas tij, nëse realizohet me vullnetin e duhur politik dhe qasjen strategjike, kjo marrëveshje mund të jetë hap i mirëfilltë përpara në imazhin ndërkombëtar dhe të ardhmen ekonomike të Maqedonisë.

Minovski sugjeron se Maqedonia, si vend dhe ekonomi e vogël, në kontekstin e sotëm global, duhet të ndërtojë aleanca strategjike me vendet që kanë kapacitet për të ndikuar në rrjedhat globale politike, ekonomike dhe të sigurisë. “Një nga këto vende është edhe Mbretëria e Bashkuar, e cila, pas daljes nga Bashkimi Evropian, po e zhvendos gjithnjë e më shumë fokusin e saj në marrëdhëniet dypalëshe, veçanërisht në rajone me rëndësi strategjike siç është Ballkani Perëndimor. Në të njëjtën kohë, me atë që SHBA-ja përqendrohet gjithnjë e më shumë në çështjet e brendshme dhe rajonin Indo-Paqësorin, Mbretëria e Bashkuar po bëhet partner gjithnjë e më i rëndësishëm për politikën tonë të jashtme. Historikisht, Mbretëria e Bashkuar ka prani dhe interes të vazhdueshëm në rajonin e Ballkanit. Paralajmërimi i partneritetit strategjik, veçanërisht nëse konfirmohet paketa e shpallur investuese prej 5 miliardë paund, si dhe bashkëpunimi në tregti, infrastrukturë, energji, qeverisje të mirë dhe luftën kundër krimit të organizuar, do të ishte impuls serioz për ekonominë maqedonase”, shprehet Minovski për MIA-n.

Nga aspekti ekonomik, thekson ai, qasja në tregje më të mëdha është veçanërisht e rëndësishme. Mbretëria e Bashkuar është vend udhëheqës në Komonvelt, i cili hap mundësi për të nxitur importin dhe për të tërhequr investime të huaja. Tashmë kemi shembull pozitiv në kompaninë “Xhonson Meti”, e cila është një nga investitorët më të mëdhenj të huaj në Maqedoni, si dhe praninë e kompanive britanike në miniera.

Sipas Minovskit, ekzistojnë potenciale serioze në sektorë të tillë si bujqësia, industria automobilistike dhe e mbrojtjes, shërbimet e TIK-ut, sektori financiar dhe logjistika, dhe investimet në infrastrukturën hekurudhore, veçanërisht në lidhje me modernizimin e Korridorit 10, që janë paralajmëruar me marrëveshjen, thekson se ato janë vendimtare për qëndrueshmërinë afatgjate ekonomike.

“Rrumbullakimi i Korridoreve 8 dhe 10 dhe infrastruktura rrugore dhe hekurudhore tregon se do të kontribuonte jo vetëm në lidhjen rajonale, por edhe në rritjen e prodhimit të brendshëm bruto përmes rritjes së konsumit dhe punësimit. Në fushën e energjetikës, Mbretëria e Bashkuar është partner i rëndësishëm global dhe mund të jetë partner i rëndësishëm në ndërtimin e kapaciteteve të tilla si hidrocentrali “Çebren”, por edhe në zhvillimin e burimeve të ripërtëritshme të energjisë dhe ndoshta reaktorëve të vegjël modularë bërthamorë. Përveç kësaj, Mbretëria e Bashkuar është lider botëror në shërbimet financiare dhe menaxhmentin projektues. Ata kanë përvojë shumëvjeçare në menaxhimin e projekteve publike, transparencën, luftimin e korrupsionit dhe krijimin e klimës stimuluese të biznesit – fusha ku Maqedonia mund të bëjë përparim të konsiderueshëm me mbështetje dhe partneritet profesional. Në fund, është e rëndësishme të theksohet se marrëveshja e këtillë mund të sjellë vende të reja pune, rritje të investimeve të huaja dhe përfitime afatgjata ekonomike. Sigurisht, mbetet për t’u parë detajet konkrete, dinamika dhe implementimi i mekanizmave që do të ndjekin partneritetin. Por, nëse realizohet me vullnetin e duhur politik dhe qasjen strategjike, kjo marrëveshje mund të jetë hap i mirëfilltë përpara në imazhin ndërkombëtar dhe të ardhmen ekonomike të Maqedonisë.

Kryeministri Hristijan Mickoski paralajmëroi se marrëveshja për të cilën dje është arritur me kryeministrin britanik Kir Starmer në takim në Tiranë në kuadër të Samitit të Bashkësisë Politike Evropiane do të mundësojë bashkëpunimin më të fortë ekonomik deri më tani midis dy qeverive, duke përfshirë investimet kapitale në infrastrukturë dhe shëndetësi dhe energjetikë.

“Marrëveshja e Partneritetit Strategjik me Mbretërinë e Bashkuar është e rëndësishme për qytetarët e Maqedonisë. Do të jetë baza dhe themeli për një cikël investimesh që do të ketë kornizë totale prej 5 miliardë paund, respektivisht 6 miliardë euro, me ç’rast një pjesë e këtyre parave do të përdoren për investime në infrastrukturë, ndërtimin e hekurudhe moderne kargo dhe të shpejtë nga Tabanoci në Gjevgjeli, investime në shëndetësi dhe spitale të reja, përfundimin e projektit të spitalit klinik në Shtip, së bashku me ndërtimin e Fakultetit të ri të Mjekësisë, konvikt me kapacitet prej dyqind shtretërish, ndërtimin e spitalit në Kërçovë së bashku me një shtëpi shëndetësore, rikonstruksionin e spitalit klinik në Tetovë, etj. Në ditët në vijim, do të nënshkruhen marrëveshje për këto investime”, paralajmëroi Mickoski në konferencën e sotme për media.

Sipas ambasadorit Metju Loson, marrëveshja është moment thelbësor në marrëdhëniet dypalëshe midis dy vendeve, të ndërtuara mbi vlera të përbashkëta, anëtarësim të përbashkët në NATO dhe marrëdhënie shumë të pasur tregtare. “Ne jemi investitorë të mëdhenj dhe qeveria britanike ka vendosur të sendërtojë këtë përmes marrëveshjes midis dy qeverive që përqendrohet në tregti dhe investime për të krijuar rritje më të madhe dhe qindra miliona paund nga të cilat qytetarët e këtij vendi do të përfitojnë së bashku me qytetarët e vendit tonë”, tha Losoni.

Më 14 mars të këtij viti, Mickoski njoftoi se Qeveria po punonte për investim në infrastrukturë dhe shëndetësi prej disa miliardë eurosh, përmes marrëveshjes ndërqeveritare me vend të fuqishëm evropian, duke paralajmëruar se marrëveshja “do të thotë më shumë se 10 për qind të PBB-së.” Ndërkohë, në deklaratë për mediat në disa raste paralajmëroi bum infrastrukturor në modernizimin dhe rindërtimin e hekurudhës së Korridorit 10 nga Tabanoci në Gjevgjeli, si dhe investime në shëndetësi dhe energjetikë. Me rindërtimin e Korridorit 10, shprehet se qytetarët do të mund të përdorin transportin hekurudhor me shpejtësi prej 160 kilometrash në orë, dhe trenat kargo të paktën katër herë më shpejt se mesatarja aktuale. Do të mund të ngasin 110 kilometra në orë, në vend të, siç deklaroi ai, 10 deri në 15 kilometra të tanishme në orë, në akse të caktuara.

Kështu, ne presim jo vetëm rritje të shpejtësisë së transportit kargo që do të tranzitojnë përmes vendit tonë, por edhe rritje të interesit për më shumë kompozicione sipas numrave, të cilat natyrisht do të rriten për shkak të tranzitit më të shpejtë. Pres që të rritet të paktën 10 herë, dy herë në bazë të interesit dhe katër deri në pesë herë në bazë të shpejtësisë, në mënyrë që në sasi neto të jetë të paktën dhjetë herë më shumë se sa është sot. Dhe qëllimi përfundimtar është që të ardhurat vjetore të Hekurudhave Maqedonase nga biznesi i saj kryesor të arrijnë midis 100 dhe 120 milion euro”, tha Mickoski.

Paralajmëroi investime edhe në shëndetësi, dhe se po kërkohet partner për të ndërtuar projekte strategjike. “Ne vazhdojmë me ndërtimin e Spitalit Klinik në Shtip, ndërtesë për Fakultetin e Mjekësisë, konvikt studentor, spitalin në Kërçovë, rikonstruksionin e Spitalit Klinik në Tetovë, investime prej rreth 190 dhe 200 milionë euro ose në total, së bashku me rikonstruksionin e Korridorit, do të tejkalojnë shifrën prej dy miliardë eurosh. Në sektorin e energjetikës, fokusi ynë kryesor është projekti “Çebren-Galishte, “tha Mickoski.

Marrëveshja e Partneritetit Strategjik është rezultat i negociatave intensive disamujore midis ekipeve diplomatike dhe ekspertëve nga të dyja palët. Përveç bashkëpunimit ekonomik, duhet të kontribuojë gjithashtu në modernizimin e forcave tona të armatosura dhe integrimin më të thellë në standardet e NATO-s, për të rritur sigurinë kufitare dhe për të luftuar trafikimin dhe kontrabandën, si dhe për të forcuar bashkëpunimin në fushën e arsimit, transformimit digjital dhe inovacioneve.