Miteva: Plani operativ përfshin edhe trajnime për gra dhe të rinj deri në moshën 29 vjeçare, në afat prej 3 muajsh me kompensim mujor prej 12,000 denarë

Siç kemi premtuar, vazhdojmë me një seri konferencash për shtyp që janë të përkushtuara ndaj Planit Operativ, sepse vlerësojmë se shteti ynë nuk mund të ecë përpara vetëm nëse institucionet ecin, kurse njerëzit qëndrojnë në vend.
Prandaj, Qeveria që punon – investon te njerëzit. Jo në statistikë, por te çdo individ që sot është pa punë, por nesër mund të jetë motor i ekonomisë.

Me Planin Operativ për Punësim për vitin 2025, ndryshojmë paradigmën – siç kemi theksuar tashmë, nga masat pasive kalojmë në mbështetje aktive, trajnim dhe përfshirje reale në tregun e punës.

Fokus i sotëm është masa TRAJNIME dhe nga përmbajtja e kësaj konference për shtyp do të vëreni pse vlerësojmë se kjo është jashtëzakonisht e rëndësishme. Këto nuk janë vetëm trajnime – këto janë shanse. Shanse për çdo person që ende pret punën e tij të parë, shanse për gratë që për vite me radhë janë lënë jashtë sistemit, për të rinjtë që kërkojnë një fillim të ri dhe për të gjithë ata që duan të bëhen pjesë e një ekonomie të re, të gjelbër, digjitale dhe ekonomi me përgjegjësi shoqërore.

Në kuadër të masës TRAJNIME, në këtë cikël parashikojmë që të përfshihen në total mbi 2,000 persona, me profile të ndryshme me mbështetjeje në përputhje me nevojat e tyre, por edhe me realitetet e tregut.

Do të filloj me trajnimin e parë që është dedikuar për personat e papunë të regjistruar në Agjencinë për Punësim, dhe ky trajnim do të mbahet te një punëdhënës konkret, në një vend pune konkret. Këtu përfshihen 245 persona. Prioritet kanë gratë, të rinjtë deri në moshën 29 vjeçare dhe personat që janë të papunë gjatë kohë. Çdo person do të marrë një kompensim prej 12,000 denarësh në muaj gjatë trajnimit, i cili zgjat deri në 3 muaj.

Trajnimi i dytë ka të bëjë me trajnime për profesione që tashmë kërkohen në tregun e punës. Këtu përfshihen 600 persona, dhe fokusi i trajnimeve është konfirmuar në bashkëpunim me shërbimet sociale, vendet e punës të gjelbra, si dhe tregtinë dhe shërbimet. Ashtu si në trajnimet e mëparshme, kompensimi do të jetë deri në 12,000 denarë në muaj.

Trajnime për aftësi të avancuara dhe bazike, kjo ka të bëjë me trajnime për aftësi kompjuterike dhe gjuhësore dhe përfshijmë 720 persona.

Unë personalisht do të doja t’i theksoj trajnimet që kanë të bëjnë me trajnime të avancuara digjitale dhe TI, të cilat realizohen përmes programeve të licencuara. Nga dokumenti do të mund të shihni se për cilat trajnime bëhet fjalë, sa trajnime aktuale që janë me të vërtetë të kërkuara gjatë kësaj periudhe nga shumë të rinj dhe qytetarë përfshihen në këtë masë, si dhe sa këto trajnime përbëjnë një ngarkesë financiare për të rinjtë.

Tani do të mund të përfshihen dhe të përfitojnë gjithsej 470 persona, ndërsa çdo pjesëmarrës do të marrë një certifikatë të njohur ndërkombëtarisht, e cila do të rrisë ndjeshëm konkurrencën e tij ose të saj në tregun e punës.

Të nderuar qytetarë,
Trajnimet nuk janë vetëm investim në kapitalin njerëzor. Ato janë tregues se shteti më në fund sillet me përgjegjësi.
Kemi premtuar se do të sjellim një sistem që punon për qytetarët. Sot e tregojmë këtë me vepra: nga regjistrimi në Agjencinë për Punësim, vijmë drejt një shansi për punë të re.
Kjo është një Qeveri që ndryshon rregullat – me përkushtim, por edhe duke ofruar zgjidhje të reja. Punë, njohuri, perspektivë – kjo është rruga që po ndjekim. Dhe kjo nuk do të jetë për individë, por përfshin të gjithë.