Mot kryesisht me diell, temperatura deri 27 gradë Celsius

Moti sot do të jetë me diell me vranësira të lehta deri në mesatare. Pasdite vende vende do të jetë i paqëndrueshëm me reshje lokale dhe bubullima. Do të fryjë erë e lehtë deri mesatare nga drejtimi perëndimor dhe juglindor. Temperatura minimale do të jetë në interval prej 1 deri në 9, ndërsa maksimalja do të arrijë prej 20 deri në 27 gradë.

Në Shkup, diell me vranësira të lehta deri mestare. Pasdite do të jetë e paqëndrueshme në pjesë të luginës me reshje të dendura të shiut dhe bubullima afatshkurtër. Temperatura minimale do të ulet deri në 6, ndërsa maksimalja do të arrijë deri në 27 gradë.

DPHM-ja paralajmëroi se në ditët në vijim vijon periudhë e motit të ndryshueshëm me vranësira dhe mot i ngrohtë me periudha me diell. Në orët e pasidites vende vende do të jetë i paqëndrueshëm me reshje lokale të shiut dhe bubullima.