Punonin në të zezë në Zvicër: Dy shtetas të Maqedonisë së Veriut arrestohen në një kantier ndërtimi

Më 13 maj 2025, në orët e mëngjesit, Kantonspolizei Thurgau, në bashkëpunim me inspektorët e Zyrës për Çështje Ekonomike dhe Punë si dhe me punonjës të Zyrës Federale për Doganë dhe Siguri Kufitare, realizuan kontrolle në dy kantierë ndërtimi në komunat Bätershausen dhe Siegershausen.

Gjatë kontrollit në Bätershausen, autoritetet konstatuan se dy shtetas të Maqedonisë së Veriut, të moshës 34 dhe 36 vjeç, po punonin pa leje pune dhe qëndronin ilegalisht në Zvicër. Të dy u arrestuan përkohësisht dhe, së bashku me punëdhënësin e tyre, do të përballen me procedura penale nga Prokuroria.

Në kantierin në Siegershausen, nuk u evidentuan shkelje.

Ky rast është pjesë e një fushate të koordinuar për të luftuar punësimin ilegal dhe shkeljet e ligjeve të migracionit në sektorin e ndërtimit. Autoritetet zvicerane paralajmërojnë se kontrolle të tilla do të vazhdojnë, veçanërisht në zonat kufitare dhe në sektorët me rrezik të lartë për punësim të paligjshëm.