Rusia e shpall “organizatë të padëshirueshme” Amnesty International

Prokurori i Përgjithshëm i Rusisë ka thënë të hënën se ka ndaluar grupin e të drejtave të njeriut Amnesty International si një “organizatë të padëshirueshme”

E themeluar në vitin 1961 dhe me seli në Londër, Amnesty International zhvillon fushata për të drejtat e njeriut në të gjithë botën, raporton Reuters.

Në deklaratën e tij, prokurori i përgjithshëm i Rusisë ka thënë se zyra e Amnesty International në Londër është një “qendër për përgatitjen e projekteve globale rusofobike” dhe e ka akuzuar atë se avokon në emër të Ukrainës, me të cilën Rusia është në luftë.

Amnesty nuk i është përgjigjur menjëherë një kërkese për koment.

Rusia i cilëson rregullisht organizatat që ajo thotë se minojnë sigurinë e saj kombëtare si “të padëshirueshme”. Përcaktimi urdhëron dënime deri në pesë vjet burgim për qytetarët rusë që punojnë ose financojnë grupe të caktuara.

Organizatat e ndaluara më parë si të padëshirueshme përfshijnë transmetuesin e financuar nga qeveria amerikane RFE/RL dhe organizatën ndërkombëtare mjedisore “Greenpeace”.