Spasovski: Ligji për tragjedinë në Koçan është detyrim moral dhe institucional

Koordinatori i grupit parlamentar të LSDM-së, Oliver Spasovski, në një konferencë për shtyp në Kuvend kritikoi shumicën qeverisëse për mosmbështetjen e zgjidhjes së tyre ligjore në lidhje me familjet e të pësuarve dhe të lënduarve në zjarrin në diskoteken “Puls” në Koçan.

Gjatë përcaktimit të rendit të ditës të seancës së 48-të parlamentare nuk u votua kërkesa me procedurë të shkurtuar që të miratohet kjo zgjidhje ligjore. Vetëm deputetët e LSDM-së dhe Të Majtës votuan “pro”. Sipas Spasovskit, ky ligj, i cili përveç Koçanit, duhej të vlente edhe për familjet e viktimave dhe të lënduarve nga tragjedi të tjera si Lëaskarca, Spitali Modular etj., duhej të ishte një ligj për bashkim, unitet, solidaritet dhe kohezion.

“Konsiderojmë sot duhej të gjendet në rend dite një tekst i tillë, i cili nuk është një tekst i zakonshëm ligjor, por një detyrim moral, institucional, dhe ky propozim-ligj doli nga tragjedia më e madhe që ka ndodhur ndonjëherë në shtet”, tha Spasovski.

Përkujtoi se në tragjedi humbën jetën 62 persona dhe u lënduan mbi 200 të tjerë, duke lënë pasoja psikologjike dhe sociale për familjet, dhe se ngjarja i ka nxjerrë lëshimet dështimet sistemike në fushën e standardeve të sigurisë dhe përgatitjes institucionale për t’u përballur me fatkeqësi të tilla.

Spasovski theksoi pjesë të ligjit që, ndër të tjera, parashikonin që familjet e të vdekurve dhe të lënduarve do të merrnin mbështetje financiare, si dhe mbështetje shëndetësore dhe psikologjike dhe të tjera.

Paraprakisht, në një konferencë për shtyp, deputeti Brane Petrushevski nga VMRO-DPMNE shpjegoi pse shumica qeverisëse nuk do ta mbështeste ligjin.

“VMRO-DPMNE nuk do ta mbështesë ligjin për viktimat e aksidentit në diskotekë në Koçan të parashtruar nga LSDM dhe nuk do të lejojë që tragjedia në Koçan të keqpërdoret për marketing politik përmes ligjeve të shkruara keq, të paharmonizuara dhe të motivuara politikisht”, deklaroi Petrushevski.

Sipas tij, ky propozim-ligj është pjesërisht i pazbatueshëm, pjesërisht në kundërshtim me dispozitat e veta dhe pjesërisht mbivendoset me të drejtat ligjore ekzistuese.

“E gjithë kjo tregon se ky është një dokument që shërben më shumë për marketing politik sesa për mbështetje të vërtetë”, tha deputeti i VMRO-DPMNE-së.

Siç tha Petrushevski, përveç kësaj, ligji favorizon në mënyrë të qartë viktimat e ngjarjeve të caktuara, duke injoruar tragjedi të tjera të ngjashme, duke krijuar kështu një precedent të rrezikshëm, gjegjësisht të drejtat bazohen në një ngjarje konkrete, në vend që të krijojë një sistem universal dhe të drejtë për të gjitha viktimat e aksidenteve ose fatkeqësive, gjë që shkel parimin kushtetues të barazisë së qytetarëve para ligjeve.