Ushtronin transport publik pa posedim të licencës, kallëzim penal ndaj dy personave nga Resnja

SPB Manastir ngriti kallëzim penal kundër D.D.(41) dhe О.D.(54), të dy nga Resnja, për shkak të ekzistimit të bazave të dyshimit për kryerjen e veprës penale „ushtrimi i transportit publik pa posedimin e licencës“. Më 21.03.2025 gjatë kontrollit të komunikacionit në Resnjë, nëpunësit policorë i kanë gjetur të denoncuarit duke ushtruar transportin publik të udhëtarëve me automjete pa poseduar licencën e dhënë nga organi kompetent. Departamenti i Kontrollit të Brendshëm, i Hetimeve Kriminalistike dhe i Standardeve Profesionale pranë MPB në Prokurorinë Themelore Publike kompetente për Ndjekjen e krimit të organizuar dhe të korrupsionit, Njësi e specializuar për ndjekjen e veprave penale të kryera nga personat me autorizime policore dhe nga pjesëtarët e policisë së burgut ka ngritur kallëzim penal për veprën penale “keqpërdorimi i detyrës dhe autorizimit zyrtar“ sipas nenit 353 paragrafi 1 i KP të RMV-së, kundër B.М., aktualisht në vendin e punës kryeinspektor në Departamentin e mbrojtjes së afërt të ministrave, presidentëve të mëparshëm të RMV-së dhe personaliteteve të tjera pranë DMPOC-së. Në shkurt të vitit 2024 i denoncuari si kryeshef i Departamentit të mbrojtjes së afërt të ministrave, presidentëve të mëparshëm të RMV-së dhe personaliteteve të tjera pranë DMPOC-së, në evidencën e orarit të punës për muajin shkurt, edhe pse e dinte se për dy të punësuar nuk kishte përgatitur urdhëra për punë më të gjatë nga orari i plotë i punës, ka evidentuar 32 orë, përkatësisht 28 orë punë jashtë orarit dhe ka hartuar listën për pagimin e pagës për muajin shkurt në të cilin i ka evidentuar ata.