Erdogan: Jemi të gatshëm të ndërmjetësojmë fundin e konfliktit Izrael-Iran

Presidenti turk, Recep Tayyip Erdogan zhvilloi të hënën një bisedë telefonike me homologun e tij iranian Masoud Pezeshkian, gjatë së cilës ata diskutuan konfliktin midis Izraelit dhe Iranit, si dhe çështjet rajonale dhe globale.

Gjatë bisedës, presidenti turk tha se kishte zhvilluar një sërë kontaktesh me udhëheqësit në lidhje me konfliktin midis Izraelit dhe Iranit dhe se Ankaraja është e gatshme të marrë një rol ndërmjetësues për një përfundim të menjëhershëm të konfliktit dhe rifillimin e negociatave bërthamore.

Erdogan nënvizoi rëndësinë që Turqia i kushton ruajtjes së paqes dhe stabilitetit në rajon.

Kjo vjen teksa konflikti mes Iranit dhe Izraelit vijon të përshkallëzohet. Të dy shtetet e Lindjes së Mesme shkëmbejnë sulme ajrore me raketa e dronë që nga dita e premte, ku deri më tani nga pala iraniane kanë humbur jetën mbi 1400 persona si dhe dhjetëra të tjerë nga pala izraelite.