Grekët kanë rritur ndjeshëm taksat turistike, si dhe gjobat

Vende anembanë botës po futin taksa të reja për të rritur të ardhurat, për të mbrojtur trashëgiminë kulturore nga mbiturizmi ose për të menaxhuar më mirë numrin e turistëve, dhe këtë vit Greqia u është bashkuar atyre.

Tarifa për apartamentet është rritur në 2.5 euro në ditë, ndërsa çmimi është edhe më i lartë për hotelet.

Vitin e kaluar, për apartamentet, ku qëndron numri më i madh i njerëzve, ne paguanim 0.5 euro në ditë për apartament. Këtë vit, kjo tarifë është rritur në 2.5 euro në ditë. Ngjashëm, tarifat e hoteleve janë rritur dhe variojnë nga 2 deri në 15 euro në ditë, varësisht nga kategoria e hotelit. “Tarifat paguhen për të gjithë objektin, jo për person.”

Taksi edhe në ishuj

Taksat në disa ishuj turistikë, si Santorini dhe Mykonos, janë rritur gjithashtu për të kufizuar numrin e turistëve.

Çmimet e biletave në vendet arkeologjike janë rritur gjithashtu, të gjitha me qëllim rregullimin e numrit të vizitorëve dhe zvogëlimin e ndikimit në popullsinë lokale.

Gjoba deri në disa mijëra euro për kamping pranë plazheve

Që nga ky vit, është miratuar një ligj i ri që ndalon rreptësisht kampingun në çdo vend pranë plazheve. Gjobat për shkelësit e këtij ligji variojnë nga disa mijëra euro, dhe kontrollet do të jenë të rrepta.

Kontrollet e trafikut do të forcohen gjithashtu, veçanërisht në veri të Greqisë.

Këtë vit, priten kontrolle më të rrepta të shpejtësisë, pajisje të detyrueshme në automjete dhe përdorimi i rripave të sigurimit.

Shumat e taksave të reja në Greqi

Shuma e taksës varet nga lloji i akomodimit dhe koha e vitit, dhe gjatë sezonit kryesor turistik, taksa e ngarkuar për natë do të jetë:

-Hotele dhe apartamente 1-2 yje: 2 euro
-Hotele 3 yje: 5 euro
-Hotele 4 yje: 10 euro
-Hotele 5 yje: 15 euro
-Akomodim i pavarur, përmes platformave si Airbnb: 8 euro
-Shtëpi dhe vila më të mëdha se 80 m²: 10 euro

Jashtë sezonit (nëntor – mars), sasitë janë dukshëm më të ulëta:

-Hotele 1-2 yje: 0.50 euro
-Hotele 3 yje: 1.50 euro
-Hotele 4 yje: 3 euro
-Hotele 5 yje: 4 euro
-Apartamente dhe dhoma: 0.50 euro
-Shtëpi dhe vila: 4 euro

Taksa llogaritet për dhomë ose njësi akomodimi, jo për person, që do të thotë se familjet dhe grupet më të mëdha mund t’ia dalin më mirë.