Hegseth: Sulmet amerikane ndaj Iranit ishin historikisht të suksesshme, iu shkatërruam aftësitë bërthamore

Sekretari i Mbrojtjes i SHBA-së, Pete Hegseth, mbrojti sulmet amerikane ndaj Iranit dhe kritikoi mbulimin mediatik të vlerësimeve të hershme të inteligjencës mbi ndikimin e bombardimeve të së shtunës që synonin objektet bërthamore iraniane në një konferencë për shtyp në Pentagon ditën e sotme.

Ai kritikoi raportimin mediatik të një vlerësimi paraprak të inteligjencës amerikane që sugjeroi se sulmi nuk shkatërroi komponentët kryesorë të programit bërthamor të Iranit, por përkundrazi e shtyu atë disa muaj prapa.

“Përsëri, ishte paraprak, një ditë e gjysmë pas sulmit aktual, kur pranon me shkrim se duhen javë për të grumbulluar të dhënat e nevojshme për të bërë një vlerësim të tillë”, tha sekretari i mbrojtjes.

Por, duke folur pesë ditë pas sulmit, Hegseth tha se presidenti “krijoi kushtet për t’i dhënë fund luftës, duke shkatërruar – zgjidhni fjalën tuaj – duke zhdukur, duke shkatërruar aftësitë bërthamore të Iranit”, tha ai. /Reporteri.net/