Momenti kur Dibran Hoxha largohet me veturë nga “Cobra City”… pamje nga Gjykata ku “Kobra” shihet i tensionuar

Në Gjykatën Themelore në Prishtinë është duke u mbajtur seanca dëgjimore lidhur me vrasjes në lokalin “Cobra City”.

Prokuroria e rastit paraqiti prova të reja edhe videoincizime të cilat, sipas saj dëshmojnë se në ngjarjen tragjike ndodhi brenda një periudhe prej më pak se dy minutave.

Prokuroria e rastit ka deklaruar se vrasja në lokalin “Cobra City” është kryer brenda një kohe shumë të shkurtër, për më pak se dy minuta.

“Kjo është paraqitja e shkurtuar ndryshe, video është më e gjatë se një orë.

Pjesa tjetër, përveç rrugës, nuk vërteton diçka tjetër”, tha prokurorja e çështjes gjatë seancës së sotme në Gjykatën Themelore në Prishtinë.

Në seancë u prezantua një videoincizim i siguruar nga pompa “Shell”, ku shihet se vetura e tipit Audi, në të cilën ndodhej i akuzuari Dibran Hoxha, ka hyrë në orën 04:10:09.

“Po ashtu kemi pas mundësi me vërejt që 1 minutë pasi ka hyrë në lokal, automjeti është larguar. Kjo dëshmon që gjithë ngjarja ka zgjatur më pak se 2 minuta – fjala është për vrasjen, natyrisht”, u tha më tej në deklaratën e prokurorisë.

Avokati mbrojtës i Dibran Hoxhës thotë se nëse merret distanca nga diskoteka “Stop” ku ka qëndruar i akuzuari i bie qe diku 30 minuta ka zgjatur gjithë udhëtimi. Sipas tij, gjatë rrugës kanë lënë mysafirë të ndryshëm në vendet e tyre, është e pamundur që nga diskoteka “Stop” deri te “Kobra City” të arrihet ajo distancë.

Tutje, ai ka propozuar që kjo provë mos të pranohet sepse sipas tij është jo reale.