Netanyahu: Çështja këtu nuk është deeskalimi dhe armëpushimi, por të ndalohet plani bërthamor i Iranit

Prezantuesi i Fox News, Bret Baier, e pyet Netanyahun në lidhje me komentet e Trump se Izraeli dhe Irani “duhet të bëjnë një marrëveshje”.

“Ia vlen nëse ata [Irani] bëjnë atë që dëshiron presidenti [dhe çmontojnë aftësinë e tij bërthamore]”, thotë Netanyahu.

Por ai shton se Izraeli nuk do të presë për këtë.

Netanyahu thotë se, edhe nëse Irani pranon të ndalojë së qëlluari me raketa Izraelin si pjesë e çdo marrëveshjeje, kjo nuk do të thotë se ata do të ndalojnë zhvillimin e aftësisë së tyre bërthamore.

“Çështja këtu nuk është deeskalimi. Çështja këtu nuk është armëpushimi. Çështja është të ndalojmë ato gjëra që kërcënojnë mbijetesën tonë”, thotë ai.