Pas sulmit në spitalin në jug të Izraelit, zëvendësministrja e Jashtme izraelite i kërkon botës të flasë

Një spital i madh në qytetin jugor izraelit të Be’er-Sheva u dëmtua në sulmet ajrore iraniane, tha zëdhënësja e tij.
“Aktualisht po vlerësojmë dëmet, përfshirë lëndimet”, tha zëdhënësja e Qendrës Mjekësore Soroka, duke vënë në dukje se kishte “dëme të gjera në zona të ndryshme”.

“Ju kërkojmë të mos vini në spital tani”, tha zëdhënësja.
Sharren Haskel, zëvendësministrja e punëve të jashtme e Izraelit, e quajti sulmin një sulm “të qëllimshëm” kundër një “objektivi civil”, në një postim për X.

“Kjo është qendra kryesore mjekësore për të gjithë rajonin Negev të Izraelit”, tha Haskel. “Bota duhet të flasë hapur”.

Sipas BBC, të paktën 32 persona janë lënduar pas sulmeve të fundit ajrore nga Irani, sipas shërbimit të urgjencës së Izraelit.

Dy persona, një burrë rreth 80 vjeç dhe një grua rreth 70 vjeç, po dërgohen në spital në gjendje të rëndë, ndërsa 30 persona të tjerë kanë lëndime të lehta, kryesisht nga shpërthimet./vizionplus.tv