Të shtëna në Podgoricë, i riu plagos gjashtë persona

Një djalë 23-vjeçar plagosi gjashtë persona, prej të cilëve pesë me lëndime të lehta dhe një me lëndime më të rënda, rreth mesnatës në një lokal në qendër të Podgoricës, njoftoi policia.

I riu u arrestua.

Mbrëmë, rreth njëzet minuta pas mesnatës, shërbimi i gatshëm i Departamentit të Sigurisë në Podgoricë mori një raport se ishte përdorur armë zjarri në kopshtin e restorantit “Zoshto” në qendër të qytetit, njoftoi Policia.

“Si rezultat, gjashtë persona u lënduan, pesë prej të cilëve me lëndime të lehta në pjesët e poshtme të trupit, ndërsa një person mori një plumb në shpinë dhe nuk është në rrezik për jetën,” tha policia.

Të lënduarve u është dhënë ndihmë mjekësore menjëherë në Qendrën Klinike të Malit të Zi.

Policia identifikoi Mihail Lakushiç nga Podgorica si i dyshuar, i cili u arratis pas të shtënave.

Pas përfundimit të inspektimit në vendngjarje, u vendosën bllokada, u morën dëshmi nga dhjetëra qytetarë dhe u analizuan video nga disa objekte, dhe policia arrestoi të dyshuarin.

“Brenda një kohe të shkurtër, i dyshuari L.M. u gjet dhe u arrestua në rrugën Frushkogorska në lagjen Malo Brdo,” informoi policia.

Kjo lagje ndodhet disa kilometra larg lokalit në rrugën “Njegosheva”, ku ndodhi të shtënat.

Policia dyshon se para ngjarjes kishte pasur një sherr.

Prokuroria e Lartë në Podgoricë është informuar për incidentin, dhe prokurori ka kryer hetime me policinë. Lakushiç duhet të dërgohet në prokurori brenda afatit ligjor.