Tensionet në Lindjen e Mesme, XI Jinping dhe Putin zhvillojnë një bisedë telefonike

Më 19 qershor, Presidenti i Kinës Xi Jinping zhvilloi një bisedë telefonike me Presidentin e Rusisë Vladimir Putin, gjatë së cilës shkëmbyen opinione kryesisht mbi situatën në Lindjen e Mesme.

Putin paraqiti pikëpamjet e palës ruse për situatën aktuale në Lindjen e Mesme, duke thënë se sulmi i Izraelit ndaj objekteve bërthamore të Iranit është shumë i rrezikshëm, se një përshkallëzim i konfliktit nuk është në interes të asnjë pale dhe se çështja bërthamore iraniane duhet të zgjidhet përmes dialogut dhe konsultimeve. Palët në konflikt duhet të sigurojnë sigurinë e qytetarëve të vendeve të treta. Situata aktuale po zhvillohet me shpejtësi.

Xi Jinping shpjegoi më hollësisht qëndrimin e Kinës dhe tha se situata aktuale në Lindjen e Mesme është shumë kritike, gjë që dëshmon edhe një herë se bota ka hyrë në një periudhë të re turbulencash dhe ndryshimesh. Nëse konflikti përshkallëzohet më tej, jo vetëm që palët në konflikt do të pësojnë humbje më të mëdha, por edhe vendet e rajonit do të vuajnë shumë. Në përgjigje të situatës aktuale, ai paraqiti disa propozime , duke i dhënë përparësi ndërprerjes së luftimeve si dhe garancisë së civilëve.

Xi Jinping theksoi se Kina është e gatshme të vazhdojë të forcojë komunikimin dhe koordinimin me të gjitha palët, të bashkojë përpjekjet, të mbështesë drejtësinë dhe të luajë një rol konstruktiv në rivendosjen e paqes në Lindjen e Mesme.