Zelensky: Ukraina do të marrë pjesë në bisedimet për paqe në Stamboll

Zelensky: Ukraina do të marrë pjesë në bisedimet për paqe në Stamboll

Presidenti ukrainas, Volodymyr Zelensky ka konfirmuar se ministri i Mbrojtjes, Rustem Umerov do të jetë pjesë e bisedimeve të paqes me Rusinë në Turqi gjatë të hënës.

Në një postim në X, Zelensky tha se Umerov do të udhëheqë delegacionin në Stamboll.

Ai theksoi se ndër kërkesat e Ukrainës për takim, përfshin një armëpushim të plotë dhe pa kushte, lirim i të burgosurve dhe rikthimi i fëmijëve të rrëmbyer.

Gjithashtu, deklaroi se çështjet kyçe mund të zgjidhen vetëm pas një takimi mes dy liderëve, Zelensky-Putin.

Raundi i parë i bisedimet në Stamboll kishte zgjatur të paktën dy orë, kurse në takim është diskutuar kryesisht për shkëmbim të burgosurish, por se kishin dështuar të arrijnë dakordim për armëpushim.