Zyrtare: Hansi Flick shpallet trajneri më i mirë i sezonit në La Liga

La Liga ka shpallur trajnerin më të mirë të sezonit, dhe titulli këtë herë shkon për trajnerin e Barcelonës, Hansi Flick, i cili ka pasur një sezon debutues spektakolar në krye të ekipit katalanas.

Flick e mbylli kampionatin me 88 pikë, katër më shumë se Real Madrid, që renditej në vendin e dytë, duke e rikthyer dominimin e Barçës në futbollin spanjoll. Por sukseset nuk ndalen me kaq — nën drejtimin e tij, Barcelona siguroi tre trofe, duke realizuar një tripletë vendase.

Po ashtu, ajo që e bën këtë sezon edhe më të ëmbël për tifozët blaugrana është fakti se të gjitha El Clásico-t e këtij sezoni u fituan nga Barça, një arritje që rikthen krenarinë dhe lavdinë në “Camp Nou”.

Me këtë sezon të parë brilant, Hansi Flick ka konfirmuar veten si një lider i vërtetë dhe strateg i nivelit më të lartë, duke fituar jo vetëm trofetë, por edhe zemrat e tifozëve.