Atentati ndaj Trumpit – Shërbimi Sekret i SHBA-së suspendon gjashtë anëtarë të personelit

Shërbimi Sekret i SHBA-së ka suspenduar gjashtë anëtar të personit për shkak të dështimeve në një nga tubimet e Donald Trumpit vitin e kaluar, gjatë të cilës një person i armatosur u përpoq të vriste republikanin, ka konfirmuar një zyrtar.

Matt Quinn, zëvendësdrejtori i shërbimit, i ka thënë CBS News, se tubimi në Butler, Pensilvani, kur Matthew Crooks qëlloi drejt Trumpit dhe vrau një pjesëmarrës tjetër, ishte një “dështim operacional”.

Një nga plumbat e Crooks preku veshin e Trumpit, i cili më pas u dërgua me urgjencë në një vend të sigurt. Sulmuesi u qëllua për vdekje.

Nuk është e qartë se kur janë lëshuar zyrtarisht suspendimet e personelit.

Duke folur për CBS, Quinn ka thënë se personelit iu dhanë dënime që varionin nga 10 deri në 42 ditë leje pa pagesë ose përfitime.

“Shërbimi Sekret është plotësisht përgjegjës për Butler”, ka shpjeguar ai.

“Butler ishte një dështim operacional dhe ne jemi të përqendruar sot në sigurimin që kjo të mos ndodhë më kurrë”, ka shtuar ai.

Quinn, i cili është emëruar në rolin e tij në maj të këtij viti, i ka thënë CBS se tashmë ishin bërë disa përmirësime, duke përfshirë dronë të nivelit ushtarak dhe poste komanduese të lëvizshme të përmirësuara që tani mund të përdoren nga agjentët në terren.

Identitetet e pjesëtarëve të stafit të pezulluar dhe rolet e tyre në ditën e sulmit nuk janë zbuluar.

Lajmi vjen vetëm disa ditë para përvjetorit të sulmit, më 13 korrik 2024.

Pjesëmarrësi në tubim, Corey Comperatore, u vra dhe dy persona të tjerë u plagosën.