Digjet një objekt në zonën industriale në Prishtinë, “Flakët po përhapen” (VIDEO)

Një objekt është përfshirë nga flakët në zonën industriale në Prishtinë, të enjten në mbrëmje.

Tymi ka mbuluar një zonë të madhe, ndërsa në vendin e ngjarjes janë parë zjarrfikësit tek provojnë të shuajnë zjarrin.

Gazetari Behar Mustafa ka raportuar nga vendi i ngjarjes, i cili thotë se zjarri është duke u përhapur më shumë.

Gazeta Express ka tentuar të marrë një përgjigje nga Policia e Kosovës, por të njëjtit nuk kanë dhënë përgjigje deri në momentin e publikimit të lajmit.