Era Istrefi ndan me ndjekësit dhuratën e ditëlindjes për veten – një BMW 7 të re

Këngëtarja e njohur shqiptare, Era Istrefi, ka festuar 31-vjetorin e lindjes në një stil plot klas dhe vetëbesim.

Ajo ndau me ndjekësit disa momente nga ditën e saj të veçantë përmes InstaStory, ku falënderoi fansat për mbështetje.

Në një prej fotografive, Era shfaqet para një BMW 7 bojë hiri, të cilën e kishte dekoruar me një fjongo të kuqe, duke zbuluar kështu dhuratën luksoze që ia kishte bërë vetes. Ajo shkruajti “From me to me” krahas fotos, duke treguar se surprizën e kishte organizuar vetë.

E veshur me një fustan të kuq të shkurtër dhe shumë elegant, Era dukej tejet provokuese dhe glamuroze, duke pozuar para makinës së saj të re.