Kallëzim penal për përdorim të dokumentit të pavërtetë në vendkalimin kufitar Tabanoc

SPB Shtip ka ngritur kallëzim penal kundër M.S. (41) nga Shtipi, për shkak të ekzistencës së bazave të dyshimit për kryerjen e veprës penale “Përdorimi i dokumentit me përmbajtje të pavërtetë”.

Më 14.05.2025, në vendkalimin kufitar Tabanoc, në dalje të shtetit, i denoncuari ka paraqitur një dokument udhëtimi me përmbajtje të pavërtetë – konkretisht një pasaportë që më herët e kishte paraqitur si të humbur, për çka i ishte lëshuar një dokument i ri udhëtimi.

Rasti është dokumentuar dhe ndaj të dyshuarit janë ndërmarrë procedurat ligjore përkatëse.TS