LDK dorëzon në Kushtetuese lëndën për votimin “tinëzar”

Lidhja Demokratike e Kosovës ka dorëzuar lëndën për Komisionin për Votim të Fshehtë në Gjykatën Kushtetuese të Kosovës.

Pyetja e LDK-së për Kushtetuesen është se “a ka të drejtë kryesuesi i Kuvendit, deputeti më i vjetër, Avni Dehari, që të vazhdojë t’i ftojë deputetët që ta zgjedhin komisionin për votimin e fshehtë?”, njofton Klankosova.tv.

Lidhur me këtë, para mediave është deklaruar Shkëmb Manaj nga LDK.

“Nuk ka vullnet politik ta ndryshojë rendin e ditës në seancën konstituive”, u shpreh ai.

Manaj tutje thotë se LDK kërkon nga kryesuesi i seancave konstituive, Avni Dehari që t’i kthehet rendit të ditës, dhe kështu të vazhdohet me votimin e kryetarit/es së Kuvendit të Kosovës.