Mickoski: Atë që nuk e arriti Todor Zhivkov dhe plejada e politikanëve bullgarë me Maqedoninë, u arrit gjatë kohës së LSDM-së

Në seancën e sotme në Kuvend, e cila ishte e dedikuar për pyetjet e deputetëve, kryetari i Qeverisë Hristijan Mickoski dha komentin e tij lidhur me pozicionet aktuale në marrëdhëniet ndërkombëtare, veçanërisht në pjesën e pozicioneve mohuese të cilat i shprehu Bullgaria fqinje gjatë votimit të raportit për shtetin në Parlamentin Evropian.

Kryeministri Mickoski gjatë përgjigjes së tij ndaj pyetjes së parashtruar nga deputeti Trajçulevski nga LSDM, kujtoi se pozicionet mohuese ndaj identitetit dhe gjuhës maqedonase nuk janë risi në disa qarqe në Bullgari dhe se ato ekzistojnë që nga krijimi i shtetit bullgar e deri më sot.

“Nuk do t’ju kthej në kohën e Batembergut, në kohën e Egzarkut Josif, kur përpiqeshin ta asimilojnë këtë pjesë. Kanë ardhur edhe deri te Krusheva juaj. Por nuk ia dolën. Shpenzuan dy buxhete, por nuk ia dolën. Ajo që ata e nisën, e më pas e vazhdoi Todor Zhivkov, ju e pranuat. Ju tani gjetët të më tregoni? Atë që nuk e arriti Batembergu, përmes Josifit, përmes kësaj politike asimiluese të Stalinit, të udhëheqjes komuniste të Bullgarisë Socialiste, përmes Todor Zhivkovit, ju gjithçka pranuat. Dhe po, është e vështirë, nuk mund ta ndryshojmë gjatë natës brenda një viti, por do të punojmë për ta ndryshuar. Kini durim. Në kohën tuaj ishte herezi të përmendet identiteti dhe gjuha maqedonase në Raport. Ju e pranuat vullnetarisht, duke nënshkruar, duke gënjyer këtu në Parlament, të asimiloni maqedonasit. Ne nuk do ta bëjmë këtë. Ne do ta korrigjojmë. Kini durim”, u përgjigj Kryeministri Mickoski.