Mickoski: Dje u miratuan dy ligje me të cilët mundësohet një rritje lineare e re e pensioneve dhe vauçerë për pajisje elektronike për studentët

Gjatë ngjarjes së sotme në Gjevgjeli, me rastin e lëshimit në përdorim të bulevardit të ri “Shën Klimenti i Ohrit”, Kryetari i Qeverisë, Hristijan Mickoski I komentoi edhe dy ligjet që u miratuan dje në Kuvend, me të cilat mundësohet rritja lineare e pensioneve dhe vauçerë për studentët.

“Ajo që është e rëndësishme të thuhet është se dje kaluan dy ligje të rëndësishme; njëri ligj është rritja lineare e pensioneve, ajo që e kërkonin pensionistët. Ata kërkonin një rritje të drejtë, të ndershme, lineare dhe me këtë rritje të re prej 2 mijë denarësh, nëse i shtojmë edhe ato 5 mijë denarë të mëparshme, atëherë për 18 muaj kemi një rritje lineare të pensioneve prej 7 mijë denarësh. Nëse krahasohet kjo rritje me rritjet në të kaluarën, atëherë arrijmë në përfundimin se pensionet për pensionistët janë rritur disa herë më shumë. A është e mjaftueshme? Jo. Por a është më shumë çka qenë – absolutisht është 3, 4 herë më shumë sesa çdo mesatare nëse merret në një periudhë më të gjatë. Merreni mesataren e qeverisë së kaluar të LSDM-së në 7 vite dhe do të shihni se në këto 18 muaj rritja e pensioneve është 4 herë më e madhe”, tha Mickoski.

Kryeministri Mickoski iu referua edhe vauçerëve për studentët që mundësohen me vendimin e miratuar dje në Kuvend.

“Po, ligji i dytë është ligji me të cilin studentët në të gjitha universitetet e vendit, edhe të rregullt edhe me korrespodencë, në mënyrë të barabartë do të fitojnë të drejtën të marrin një vauçer – një kupon me vlerë prej 15 mijë denarësh që do ta shfrytëzojnë për blerjen e pajisjeve elektronike që më pas do t’u shërbejnë gjatë studimeve të tyre. Kështu që, këto dy ligje që i kemi premtuar, po i realizojmë. Ajo që në të kaluarën vidhej, tani ndërtohet dhe realizohet për qytetarët”, theksoi kryeministri.