Miratohet nga senati mega-projektligji i Trump

Pas orësh debat intensiv, republikanët në Senatin e SHBA-së miratuan me një diferencë të ngushtë mega-projektligjin e Donald Trump mbi taksat dhe shpenzimet, duke kaluar një nga pengesat kryesore në rrugën drejt miratimit të këtij legjislacioni të rëndësishëm.

Akti “One Big Beautiful” mori mbështetjen vendimtare nga zëvendëspresidenti JD Vance, duke përmbyllur një seancë votimi pas më shumë se 24 orësh diskutimesh. Tani projektligji kthehet në Dhomën e Përfaqësuesve, ku priten edhe sfida të tjera.

Presidenti Trump kishte vendosur një afat 4 korriku për miratimin e këtij legjislacioni, i cili përmban shkurtime të përhershme taksash dhe synon të ristrukturojë shpenzimet qeveritare, duke përfshirë programe sociale dhe subvencione. Megjithatë, ai vetë e pranoi se përmbushja e këtij afati do të ishte sfidë.

Votimi në Senat u shoqërua me disa vota kundër nga republikanë si Susan Collins, Thom Tillis dhe Rand Paul, të cilët iu bashkuan demokratëve, ndërsa senatore Lisa Murkowski ndryshoi qëndrim duke mbështetur projektligjin. Vota finale ishte 50-50 dhe u vendos nga zëvendëspresidenti Vance.

Ky projektligj konsiderohet nga administrata Trump si themeli i axhendës së mandatit të tij të dytë, me fokus në uljen e taksave dhe rimodelimin e shpenzimeve për të mbështetur ekonominë amerikane.

Edhe pse ka disa shqetësime në lidhje me ndikimin e deficitit dhe ndryshimet në programet sociale, partitë janë duke punuar për të arritur një konsensus dhe miratimin përfundimtar. Trump ka shprehur optimizëm për finalizimin e ligjit brenda korrikut dhe vazhdon të angazhohet personalisht në këtë proces.

Ky zhvillim tregon përkushtimin e republikaneve për të avancuar agjendën ekonomike dhe fiskale të vendit, duke synuar stabilitet dhe përfitime afatgjata për qytetarët amerikanë.