Përleshje në Bit Pazar – Arrestohet 42-vjeçari për tentativë sulmi me send të mprehtë

Në orët e para të mëngjesit të sotëm, në zonën e njohur të Bit Pazarit në Shkup, policia ka arrestuar D.S. (42) nga Shkupi, pas një incidenti ku u prish rendi dhe qetësia publike.

Sipas njoftimit zyrtar nga SPB Shkup, arrestimi u krye më 28 korrik 2025, në orën 00:40, duke vepruar mbi bazën e një denoncimi paraprak.

Në ngjarje, përveç D.S., ishte i përfshirë edhe S.A. (23) nga Shkupi, ndërsa sipas policisë, D.S. ka tentuar të sulmojë me send të mprehtë S.A., gjatë përleshjes fizike që ndërmjet tyre ka ndodhur.

Pas përfundimit të dokumentimit të plotë të rastit, autoritetet paralajmërojnë se do të ngrihet parashtresë përkatëse kundër të arrestuarit.

Ngjarja rikthen fokusin mbi nevojën për ruajtjen e rendit publik në zona ku grumbullohen shumë qytetarë, veçanërisht në vendet tradicionale si Bit Pazari.TS