Shoferë nga Manastiri dhe Resnja arrestohen për drejtim mjeti nën ndikimin e alkoolit

Më 21.07.2025 në orën 02.06 në rrugën “Makedonska falanga” në Manastir, oficerët e Drejtorisë së Punëve të Brendshme të Manastirit arrestuan P.D. (67) nga fshati Zhabeni, Manastir. Gjatë një kontrolli trafiku, oficerët e policisë ndaluan një automjet pasagjerësh “Mitsubishi” me targa të Manastirit, të drejtuar nga P.D. dhe u konstatua se ai ishte nën ndikimin e alkoolit, përkatësisht në gjakun e tij u mat 1.66 promil alkool. Gjithashtu, më 20.07.2025 në orën 20.30 në fshatin Jankovec, Resnjë, oficerët e Drejtorisë së Punëve të Brendshme të Resnjës arrestuan M.M. (51) nga Manastiri. Gjatë një kontrolli trafiku rrugor, oficerët e policisë ndaluan një automjet pasagjerësh “Seat” pa targa, të drejtuar nga M.M. dhe është përcaktuar se ai ka qenë nën ndikimin e alkoolit, përkatësisht i janë matur 2,14 promil alkool në gjak. Personat janë përjashtuar menjëherë nga trafiku dhe pas dokumentimit të plotë të rasteve, do të ngrihen kallëzime penale sipas nenit 297-a të Kodit Penal “drejtim i pakujdesshëm i mjetit motorik”.TS