Trump: Izraeli do të duhet të marrë një vendim për hapat e mëtejshëm në Gaza

Presidenti i SHBA-së, Donald Trump, tha të dielën se Izraeli do të duhet të marrë një vendim për hapat e tij të mëtejshëm në Gaza.

Më tej ai shtoi se nuk e di se çfarë do të ndodhë pas lëvizjeve të Izraelit për t’u tërhequr nga negociatat e armëpushimit dhe lirimit të pengjeve me Hamasin, transmeton Reuters.

Trump nënvizoi rëndësinë që ka për Izraeli sigurimi i lirimit të pengjeve të mbajtura nga Hamasi në Gaza, duke thënë se ata papritmas ishin “forcuar” për këtë çështje.

“Ata nuk duan t’i kthejnë ato, kështu që Izraeli do të duhet të marrë një vendim”, u tha Trump gazetarëve në fillim të një takimi me presidenten e Komisionit Evropian Ursula von der Leyen në Turnberry të Skocisë.