Aktorja Sara Bajrami i jep fund beqarisë

Aktorja e dashur për publikun, Sara Bajrami, i ka dhënë fund beqarisë në një ceremoni martesore plot dashuri dhe emocion, ku u pa përkrah partnerit të saj, Miradit.

E njohur për rolin e saj si Liza në serialin shumë të ndjekur “Bashkallajk”, Sara shkëlqeu në fustanin e bardhë të nusërisë, duke rrëmbyer vëmendjen me elegancën dhe buzëqeshjen e saj.

Ceremonia është mbajtur në një atmosferë të ngrohtë, pranë familjes dhe miqve të ngushtë të çiftit, ndërsa pamjet dhe urimet për çiftin nuk kanë munguar në rrjetet sociale.