Alarm i rremë për bombë në Aeroportin e Shkupit, fluturimet rifillojnë pas kontrolleve

Sot (16.08.2025), në orën 02:41, në numrin e urgjencës 112 është marrë një njoftim për një bombë të vendosur në një aeroplan që nga “Aeroporti Ndërkombëtar i Shkupit” duhej të nisej për në Turqi. Menjëherë pas marrjes së njoftimit u ndërmorën veprimet e duhura dhe u kryen kontrollet e nevojshme nga njësia antiterror e MPB-së, ku u konstatua se bëhej fjalë për një alarm të rremë dhe se nuk kishte asnjë mjet shpërthyes.

Rreth orës 06:00, aeroporti rifilloi punën e rregullt.