Bajram Rexhepi merr mbështetje nga gratë e AKI-së: Gratë janë forca transformuese që i duhet Tetovës

Kandidati për kryetar të komunës së Tetovës nga Aleanca Kombëtare për Integrim (AKI), Bajram Rexhepi, sot zhvilloi një takim me gra dhe vajza tetovare, të shoqëruar edhe nga bashkëshortja e tij Vjollca Rexhepi. Takimi u zhvillua në një atmosferë të ngrohtë, me diskutime të pasura mbi sfidat dhe vizionin për një Tetovë më të zhvilluar dhe gjithëpërfshirëse.

“Pa zërin e grave, Tetova nuk mund të ndërtohet si një qytet modern dhe gjithëpërfshirës,” theksoi Rexhepi në postimin e tij pas takimit.

Ai vlerësoi kontributin e grave në identifikimin e nevojave reale të përditshmërisë, në arsim, siguri dhe politikat për barazi sociale. Sipas tij, ndjeshmëria dhe vizioni i grave janë faktorë të pazëvendësueshëm për vendimmarrje të drejtë dhe të balancuar.

“Ky zë është transformues. Ai e kthen planin në veprim, idetë në zgjidhje. Tetova ka nevojë për këtë energji. Dhe këtë do ta bëjmë #Bashkë,” përfundoi kandidati i AKI-së.

Vlen të thekësohet se sipas të gjitha anketave relevante nga institucionet vendore, Bajram Rexhepi po shfaq një epërsi të ndjeshme ndaj kreut aktual të Tetovës, Bilall Kasami. Prandaj, pritet që tetori ta gjejë Tetovën me një kryetar të ri.