Barcelona fiton kundër Mallorcas, në një ndeshje që u kthye në një show të gjyqtarit kryesor

Publikuar 23:03 16 Gusht, 2025

Kampionët në fuqi të LaLigës, Barcelona, e hapën mbrojtjen e titullit me një fitore 3-0 ndaj RCD Mallorca në Estadi Mallorca Son Moix, duke e çuar në tetë numrin e fitoreve radhazi në udhëtim

Barcelona mori iniciativën sulmuese që nga fishkëllima e parë, dhe kaloi në epërsi në minutën e 7-të pas një periudhe presioni të vazhdueshëm, kur një krosim fantastik nga Lamine Yamal u shfrytëzua me kokë në shtyllën e dytë nga një Raphinha i pambuluar.

Një Mallorca e frymëzuar u përpoq të barazonte, por Joan García ndali pa vështirësi goditjen e dobët të Vedat Muriqit, përpara se mysafirët të realizonin golin e dytë të diskutueshëm, për shkak të një vendimi kontrovers të gjyqtarit të ndeshjes.

Pavarësisht se vendasit kishin një lojtar të shtrirë në tokë pas një lojtar mori një goditje në kokë – dhe arbitri kishte tashmë bilbilin në gojë – Barça vazhdoi aksionin dhe Ferran Torres e shënoi gol në trekëndësh ku portieri dhe as mbrojtja e Mallorcas nuk tentoi ta ndaloi.

Mosbesimi për këtë gol mbizotëronte në gjithë Estadi Mallorca Son Moix, dhe kartoni i kuq për Manu Morlanes në minutën e 33-të e bëri edhe më të vështirë punën për Mallorcan.

Me disa tifozë vendas që nisën të shikonin nga daljet, pjesa e parë e çuditshme e tyre arriti një tjetër nivel vetëm gjashtë minuta më vonë, kur Muriqi u ndëshkua me karton të kuq për një goditje në fytyrën e Garcías – edhe pse po aq lehtë mund të ishte bërë ‘10 kundër 9’ kur Raphinha ndërhyri rëndë ndaj Mateu Morey në minutën e 7-të të kohës shtesë.

Vetëm një karton i verdhë për këtë shkelje u prit me një breshëri fishkëllimash të fuqishme, ndërsa skuadrat shkonin në pushim.

Siç pritej, pjesa e dytë shumë shpejt u kthye në një skenar ‘sulm kundër mbrojtje’, dhe Yamal vazhdoi të tmerronte kundërshtarët e tij të drejtpërdrejtë, duke dhënë dy krosime radhazi që pothuajse sollën golin e tretë për mysafirët.

Pak më vonë, një pritje fantastike me një dorë nga Leo Román e mbajti përsëri Barçën në distancë para se ndeshja të kalonte një orë lojë.

Në një mundësi të rrallë për vendasit për të ngushtuar diferencën, goditja e lirë e Johan Mojicës në minutën e 65-të ishte perfekte, por asnjë lojtar i Mallorcas nuk reagoi për ta mbyllur atë aksion.

Duke dashur të shuante çdo shans për një rikthim të pabesueshëm të Mallorcas, Hansi Flick priti vetëm dy minuta të tjera për t’i dhënë Marcus Rashford debutimin e tij zyrtar me Barcelonën, me anglezin që hyri në fushë së bashku me Gavi dhe Jofre Torrents.

Duke treguar thellësinë superiore të skuadrës, Barça vazhdoi të ushtronte presion përpara, me Dani Olmo që goditi shtyllën dhe Raphinha që humbi një shans identik pak minuta më parë.

Edhe Pedri provoi fatin e tij më vonë me një goditje të fortë, por ishte Yamal ai që shënoi të tretin, duke e kurorëzuar paraqitjen e tij si lojtari i ndeshjes me një gol tipik në kohën shtesë. Në fund, Barcelona marshoi lehtësisht drejt fitores së 14-të në 17 ndeshjet hapëse të sezonit (2 barazime, 1 humbje), duke e lënë Mallorcan të lëpinte plagët pas humbjes në javën e parë për herë të parë pas 10 sezoneve.