Cristiano Ronaldo quhet “arrogant” pas incidentit ku “tallej me pagat e lojtarëve”

Një ish-konkurrent i Cristiano Ronaldo ka rikujtuar një përplasje të ashpër mes tij dhe pesë-herë fituesit të Topit të Artë, të cilin e përshkruan si “arrogant”.

Ronaldo ka luajtur për Sporting Lisbon, Manchester United, Real Madrid, Juventus dhe tani për Al Nassr, duke pasur një karrierë të shquar. Ai fitoi katër nga pesë Topat e Artë ndërmjet 2009 dhe 2018, duke fituar gjithashtu dy tituj në La Liga dhe katër herë Champions League.

Ronaldo është një nga golashënuesit më të mëdhenj në historinë e futbollit, me 938 gola deri më tani, por herë pas here ka ngjallur zemërim tek kundërshtarët në fushë.

Një prej rasteve ndodhi në janar 2011, kur ai u përfshi në një konfrontim në tunelin e stadiumit me Walter Pandiani gjatë një ndeshjeje La Liga mes Real Madrid dhe Osasuna.

Sulmuesi, i cili më parë kishte luajtur në Premier League me Birmingham City, u zemërua pasi Ronaldo, sipas tij, e kishte tallur për pagën që merrte. Pandiani tha për radion spanjolle:

“Në vendin tim, ai ndoshta do të duhej të kërkonte një takim me dentistin për një situatë të tillë.”

Pandiani nuk e la çështjen të harrohej. Në vitin 2014, ai pretendoi se Ronaldo fitoi Topin e Artë atë vit vetëm sepse “qante shumë”.

Tani, mbi 14 vjet më vonë, 49-vjeçari – i cili u tërhoq nga futbolli në 2016 – ka folur përsëri për këtë debat verbal me ikonën portugeze dhe për shkakun e tij.

Në një intervistë të re për Diario AS, Pandiani shpjegoi:

*”Tifozët në El Sadar janë shumë agresivë, dhe ata fishkëllyen dhe ofendonin Ronaldo-n që kur doli për ngrohje. Kjo e zemëroi, dhe ndërsa praktikonte goditjet e lira, ai qëllonte drejt turmës me top. Pas një faulli ndaj Realit, Cristiano shtyu shokun tim të skuadrës, [Javier] Camunas, dhe unë shkova ta mbroja. Unë e shtyva atë [Ronaldo], dhe ai më pyeti kush isha dhe sa pagë merrja. Sherri vazhdoi në tunelin e dhomës së zhveshjes me të dhe Sergio Ramos. Unë isha shumë i zemëruar, dhe ata po ashtu. Nuk më pëlqeu aspak sjellja e tij. Ai ishte një djalë arrogant. Si golashënues, ishte i jashtëzakonshëm, por sjellja e tij lente shumë për të dëshiruar.”