Dramë në Bit Pazar: 25-vjeçarit i kanë hyrë në shtëpi, e kanë rrahur atë, babain dhe vellanë e më pas e kanë plagosur

Më 06.08.2025 rreth orës 01:10, në SPB Shkup është raportuar nga Qendra Urgjente pranë Kompleksit të Klinikave “Nënë Tereza” se tek ta ishte sjellë me plagë nga armë zjarri O.E. (25) nga Shkupi.

Sipas raportimit, rreth orës 00:30, përpara oborrit të shtëpisë së tij në lagjen Bit Pazar, pas një mosmarrëveshjeje në komunikacion, kishte ndodhur një përplasje mes tij dhe fqinjit të tij Q.Ç., i cili fillimisht e kishte sulmuar fizikisht.

Më pas, sipas kallëzimit, Q.Ç. së bashku me M.Ç., Sh.Ç., O.Ç. dhe B.M., kishin hyrë në oborrin e O.E. dhe kishin sulmuar fizikisht edhe babanë dhe vëllain e tij, D.E. dhe M.E.

Gjatë përleshjes, Ć.Ç. kishte nxjerrë armën dhe kishte shtënë, duke e goditur O.E. në gjoks dhe dorë.

Në vendin e ngjarjes ka kryer inspektim ekipi i SPB Shkup dhe janë gjetur tre gëzhoja. Pas zbardhjes dhe dokumentimit të plotë të rastit, do të ngriten kallëzime përkatëse.