„ DY LIGJE TË REJA NË SHQYRTIM PUBLIK – Ministria bën thirrje për pjesëmarrje aktive për zgjidhjet më të mira ligjore në gjeologji dhe miniera“

Ministria e Energjisë, Minierave dhe Burimeve Minerale është në fazat përfundimtare të
përgatitjes së dy projektligjeve të reja, moderne dhe strategjikisht të rëndësishme:
 Projektligji për gjeologjinë
 Projektligji për minierat
Me këto ligje zëvendësohen Ligji ekzistues për burimet minerale dhe përgatitja e tyre paraqet një
reformë themelore, institucionale dhe profesionale, të hartuar nga ekspertë të vetë ministrisë.
Ligji është plotësisht në përputhje me rregullativën evropiane. Projektligjet janë në përputhje
me praktikat më të mira evropiane dhe transpozojnë RREGULLOREN (BE) 2024/1252 të
11.04.2024.
Nga data 28.07.2025, të dy projektligjet janë në dispozicion në ENER (Regjistri Elektronik
Kombëtar i Rregulloreve), ku do të jenë deri më 28.08.2025, për shqyrtim publik dhe
shkëmbim mendimesh, sugjerimesh dhe komentesh nga të gjitha palët e interesuara.
Ftojmë të gjithë aktorët– ekspertë, komuna, kompani, organizata të shoqërisë civile dhe
individë – të përfshihen në mënyrë aktive. Kjo është një mundësi për të gjitha palët e
interesuara që të ndikojnë në krijimin e rregullave që do të rregullojnë sektorin e gjeologjisë dhe
minierave në afat të gjatë. Qëllimi është të ndërtojmë së bashku zgjidhjen më të mirë të
mundshme ligjore që do të ofrojë:
1.Mbrojtje më e mirë të mjedisit jetësor
 Standarde strikte ekologjike gjatë hulumtimit, shfrytëzimin dhe përpunimin e burimeve
minerale.
 Detyrimi për rehabilitimin dhe rikultivimin e terrenit pas përfundimit të aktiviteteve
minerare.
 Mundësia e përpunimit dhe shfrytëzimit të lëndës minerale nga deponitë e vjetra.
2.Mbështetje për komunitetet lokale
 Pjesa më e madhe e kompensimeve për burime minerale dhe të ardhurat nga minierat
duhet të mbeten në komunat ku bëhet shfrytëzimi.
 Detyrimet për kompanitë për të investuar në infrastrukturën lokale dhe zhvillimin social.
 Përfshirja e komuniteteve në proceset vendimmarrëse.
3.Më shumë kontroll dhe transparencë

 Rregullimi efektiv i sektorit minerar me këto zgjidhje ligjore që do të sigurojnë mbrojtje
më të mirë të burimeve natyrore.
 Publiku do të ketë më shumë njohuri për procesin e dhënies së koncesioneve.
 Mbikëqyrje më e fortë nga institucionet shtetërore.
4.Përfitime më të mëdha ekonomike për shtetin
 Taksa dhe kompensime minerare më të larta.
 Të drejta dhe obligime të përcaktuara saktë për koncesionarët.
 Nxitje për investime vendore dhe të qëndrueshme.
 Avancimi i potencialit ekonomik të minierave.
5.Parandalimi i shfrytëzimit të paligjshëme
 Lufta kundër "minierave të egra" dhe gërmimeve të paligjshme.
 Kontrolli i sasisë dhe cilësisë së lëndës minerale të nxjerrë.
 Dënime të rrepta për shkelje dhe abuzime.