Gashi do t’i shpallë këtë javë zgjedhjet lokale: Votimi për kryetarë komunash më 19 tetor dhe 2 nëntor

Kryetari i Kuvendit, Afrim Gashi, do t’i shpallë zgjedhjet lokale të planifikuara për këtë vjeshtë të premten ose të shtunën paradite. Votimi për këshillat komunalë dhe raundi i parë për zgjedhjen e kryetarëve të komunave do të mbahet më 19 tetor, ndërsa raundi i dytë për kryetarët e komunave më 2 nëntor.

“Zgjedhjet do të shpallen më 8 ose 9 gusht. Pres zgjedhje të drejta dhe demokratike, një fushatë dinjitoze, kulturë politike, garë me ide dhe vizion, si dhe përkushtim ndaj qytetarëve”, tha Gashi për Sitel.

Partitë politike dhe kandidatët për kryetarë komunash dhe këshilltarë duhet t’i paraqesin kandidaturat në Komisionet Komunale Zgjedhore më së voni 35 ditë para mbajtjes së zgjedhjeve.