Kapitulli i ri i zhvillimit me cilësi të lartë në pllajën me dëborë

Viti 2025 është 60-vjetori i themelimit të Rajonit Autonom të Xizang-ut. Gjatë këtyre 60 vjetëve, në Xizang është realizuar një ndryshim i jashtëzakonshëm. Në vitin 2024 prodhimi i brendshëm bruto në Xizang arriti në 276.5 miliardë juanë (afro 38.5 miliardë dollarë amerikanë), 155 herë më shumë se në vitin 1965 me çmime të pandryshuara, duke realizuar një rritje mesatare vjetore prej 8.9 %. Sektorët e energjisë së pastër, turizmit dhe kulturës etj., kanë njohur lulëzim.

Me zhvillimin e shpejtë ekonomik dhe shoqëror, jeta e banorëve të këtij rajoni ka vazhduar të përmirësohet. Vjet të ardhurat e disponueshme për frymë të banorëve të qytetit në Xizang arritën në 55 444 juanë, ndërsa ato të bujqve dhe blegtorëve në 21578 juanë, përkatësisht 121 e 199 herë më shumë se në vitin 1965. Sot, një Xizang i ri me ekologji të mirë, begati të banorëve dhe kulturë të lulëzuar po shfaqet në këtë pllajë të lashtë me dëborë.