Kroati godet me grusht dhe shuplakë gruan shtatzënë në Shkup

Ndërsa ushtronte dhunë në familje në shtëpinë në Shkup, ai e lëndoi fizikisht gruan e tij. Së pari, filloi t’i fliste me zë të lartë, pastaj e sulmoi fizikisht, duke e goditur me grushte dhe duke e shpulluar në kokë dhe trup. Më pas vazhdoi ta shtypte fort në qafë, edhe pse e dinte se ishte pesë muajshe shtatzënë. Në një moment, e kapi dhe e hodhi me forcë në shtrat, pas së cilës e goditi kokën në buzë të shtratit. Ai u ndal kur e dëmtuara filloi të rrjedhte gjak, pas së cilës viktima arriti të strehohej në tualet dhe të telefononte policinë dhe një ambulancë.

I dyshuari e dëgjoi atë duke thirrur për ndihmë, pas së cilës ai u largua nga apartamenti. Viktima u gjet me lëndime të shumta në kokë, si dhe në placentë në të cilën ndodhej fetusi.

Prokurori publik i paraqiti propozim gjykatësit të procedurës paraprake të Gjykatës Themelore Penale në Shkup për përcaktimin e masës së paraburgimit për të dyshuarin.