Mashtrim tjetër i një të moshuare: I thanë kinse vajza e saj ka pësuar aksident dhe i morrën 2.700 euro

Më 29.08.2025, në SPB Shkup, D.G. (88) nga Veles ka raportuar se më 27.08.2025, rreth orës 10:00, ka pranuar një telefonatë nga një person i panjohur mashkull i cili e informoi se vajza e saj dyshohet se kishte shkaktuar një aksident rrugor ku kishte përplasur një fëmijë 4-vjeçar dhe se për ta shpëtuar nga një dënim i gjatë me burg, duhej t’i jepte 50.000 euro.

Pasi D.G. i tha se kishte vetëm rreth 2.700 euro, personi i panjohur i dha “udhëzime” që paratë të dorëzoheshin në Shkup, pranë Spitalit të Përgjithshëm “Shën Naum Ohridski”, gjë që ajo e bëri. Rreth orës 11:50, ajo la qesen me para në një kosh mbeturinash dhe më pas u kthye me autobus në Veles.

Po punohet për zbardhjen e rastit.